Festenal de lenga e cultura occitanas en Òut e Garòna, cada annada a la davalada : concerts, bals, estagis, conferéncias, projeccions, exposicions, animacions pels escolans bilingües, …
La Quinzena occitana 2025 se tendrà dins mantuna vila e vilatges d’Òut e Garòna del 7 al 22 novembre. Festenal a l’entorn de la lenga e la cultura occitanas, co-pensat e co-bastit per 7 associacions del 47 amb lo servici cultura del departament. L’EOE-IEO 47 es una de las associacions del Collectiu Quinzena occitana.
Cada annada, una tematica es causida per ligar totas las animacions prepausadas, ongan lo conte es mes en avant amb la tematica « Conta-me ». Un fum d’activitats : mòstra, espectacles musicals, balètis, projeccions documentaris, passejada, estagi de cants, autras animacions escolaras… e de pertot : Astahòrt, Marmanda, Recahòrt, Castèthgelos, Agen.