EOD – Escambis Occitans de la Davalada
Un estagi participatiu de 3 jorns en immersion lingüistica dedicat a far viure la lenga occitana e afortir los malhums professionals e associatius que participan a sa socializacion.
Contacte : escambisoccitans@e.email
En 2024, i a pas agut des Escambis Occitans de la Davalada. Avèm ensajat de los desplaçar a l’ivèrn 2025 mas es pas estat possible. La còla a fach un bèl trabalh de preparacion e de documentacion. Mas es estat malaisit de trobar la disponibilitat per preparar des escambis de mai bèls. Tornarem lançar lo vam al la debuta de l’an que ven pel plaser de nos retrobar, de parlar nòstra lenga e de viure tres jorns en auto-gestion. Quand los EODaires s’amassan, jòia, jòia, jamai s’alassan !
Las edicions passadas
En 2023, nos pausèrem la question « Coma facilitar l’encontre e lo partatge tant de la lenga coma de la cultura occitanas ?«
Avem creat amassa un desfís per cada setmana de l’an que ven. Avem capitat d’aver 52 desfís diferents : n’i a per tot lo monde, de desfís per far descubrir aus autres, de desfís a se donar, dins la coneissença de la lenga, de la musica, de la literatura e encara mai.
Seràn prepausats tot lo long de l’annada sus la pagina « òc tot es possible! » 😉
Nos podètz tanben seguir sus instagram : @octotespossible
En 2022, la tematica èra « cossí rendre l’occitan mai visible dins l’environament de nòstres quotidians ?«
Aquelas tres cançons foguèron escritas e cantadas lo 1èr jorn dels escambis 2022. Clicatz sul títol per obtenir las paraulas.
Las cartas seguentas foguèron realizadas pendent lo talhièr de serigrafia, amb lo trabalh del talhièr de calligrafia :
En 2021, se debanèt la primièra edicion dels EOD :