Escambis Occitans

EOP – Escambis Occitans de la Prima

REportats del 26 al 28 D’OCTÒBRE 2021 / Cologne (32)

A destinacion de totes los que desiran far viure l’occitan. Aqueles jorns seràn l’escasença de viure amassa e de far amassa. Organizarem los 3 jorns en moments d’escambis sus de tematicas causidas amassa amb de monde identificats per co-animar los escambis o partatjar una experiéncia, un punt de vista… : las escambiairas e los escambiaires. Sus la basa de la creativitat, los EOP seràn l’escasença de desvolopar cooperacions divèrsas entre totes los participants.

Los actors qu’òbran pel desvolopament de l’ensenhament o de la cultura occitana son nombroses mas pòdon rencontrar de dificultats ligadas al temps o a la geografia per se conéisser entre eles. Aqueles rencontres prepausan de prene lo temps d’escambiar entre los diferents partenaris e d’enriquesir las practicas de cadun a partir de las volontats/possibilitats de totes. Nòstre desiri es que d’aqueles escambis nascan d’aisinas e de projèctes que valorizaràn e facilitaràn las practicas de totes.

Albergament e repais sus plaça.

A causa de las restriccions governamentalas qu’an per tòca de luchar contra la propagacion de la COVID-19, los Escambis Occitans de Prima son reportats a la Davalada los 26, 27 e 28 d’octòbre de 2021.

Mai d’informacions : escambisoccitans@e.email