Letras d’amor

Lo 14 de febrièr tanben… Parla-me Occitan, m’agrada ! <3

Lo 14 de febrièr de 2021 a Tolosa, per una St Valentin occitana, per caduna e cadun e a res-non-còsta !

L’idèa es plan simple ! Rendre l’occitan present coma mejan d’expression de l’amor lo jorn de la Sent Valentin a travèrs un afichatge de passatges poetics que los passants seràn convidats a emportar e a ofrir a l’elegit de lor còr.

Un talhièr de creacion poetica a partir d’una garba amorosa trobadoresca. L’enjòc es lo seguent : Crear de letras d’amor a afichar lo jorn de la Sent Valentin, a Tolosa.

Dissabte 23/01 : lo matin talhièr de creacion poetica. Lo vèspre : talhièr de calligrafia. Animat per Pascau Sebat.

Dimenge 24/01 : « talhièr de las petitas mans ». Objectiu : completar la colleccion de letras d’amor per tal d’arribar a 500 letras d’amor d’afichar sus la plaça del Capitòli a Tolosa (31).

Aquel projècte plen d’amor foguèt possible gràcias a una caissa participativa, PLAN MERCÉS A TOTAS E TOTES LOS CONTRIBUTORS !

Mai d’informacion sus los eveniments Facebook :

Es lo resultat de l’aliança entre l’Escòla Occitana d’Estiu, lo Centre Regional dels Ensenhaires d’Occitan (CREO Tolosa), la seccion Occitan de l’Universitat Joan Jaurès e l’associacion d’estudiants de l’UT2J (Òsca).

Mai d’informacion : sentvalentinoccitana@mailo.com