Cours, Culture Occitane, Bain linguistique,Conversations interdialectales

Escòla occitana d'estiu
Corses, Cultura Occitana, Banh Lingüistic,Conversas interdialectalas

Robèrt Lafont: una cara bèla, occitana e europenca, del sègle XXen

Robèrt Lafont:

una cara bèla, occitana e europenca, del sègle XXen

 

Nascut a Nimes lo 16 de març de 1923, Robèrt Lafont defuntèt a Florença (Toscana) lo 24 junh de 2009.

 

A Ventabren, lo Dimenge 23 de setembre de 2007, èra estat tardièrament recompensat per lo "Grand prix littéraire de Provence". Sa santat li permetèt pas de venir, mas mandèt, segon la tradicion d'aquel prèmi, un "laus de Provença" ont contèt, dins son parlar provençal, un pauc de sa joventut:

"Enfant, demòre sus una còla ( a Nimes n’avèm sèt coma Roma). Quand duerbe la pòrta sus la carriera, vese a ponent sus la vesina la vièlha Torre dicha Manha que sa blancor de pèiras romanas lo Levant la pinta de ròse e d’aur palle. De l’autra man, Ventor blanqueja encara a cimèu e leis Aupilhas dessenhan sei crèstas en cendre de rèirelutz."

 

Aquelas linhas me semblan una pichona illustracion de las qualitats d'escrivan de Robèrt Lafont dins "la lenga de son grand, tota mistralenca pasmens, que subran grelhèt a la pluma dau poeta qu’[èra] a devenir".

Mas la vida d'aquel grand davancièr se resumís pas a sa bèla dimension literària (mai de 40 títols publicats, en francés o en òc): poësia, coma Dire qu'es qualificat de "peira blanca de la poësia occitana contemporanèa"1 - roman (amb en particular La Fèsta que se pòt considerar coma una òbra majora europèa) - teatre (per exemple La révolte des "cascavèus" (1977) o La croisade (1982), creadas dins una mesa en scèna d'Andrieu Neyton ).

 

La dimension professionala de sa vida, ensenhaire e cercaire dusca a la fin, li fa menar d'obràs internacionalament reconegudas de recerca e de critica en (sociò-) lingüistica (16 titols publicats) e en literatura (20 titols).

 

Es mai que mai una vida confla d'engatjaments, que s'exprimisson tanben per d'ensages istorics e politics (22 titols publicats, en francés, coma la Révolucion Régionaliste en 1967 e Nous, peuple européen en 1991). A la jonccion del literari, del professional e de l'engatjament, caldriá parlar de l'animator e redactor de revistas, coma Viure, Amiras o La Revista Occitana, sus aquel ròtle e aquelas publicacions periodicas, es a perseguir un trabalh de recerca especifica qu'a ja abordat la dimension pedagogica, la quala engloba son engenh d'ensenhaire e de formator dins los corses e los estagis2 que n'avem un fum de testimoniatges.

Per l'accion, lo trapam dins la Resisténcia en 1944, participa a la liberacion de Nimes. En 1945, contribuís a la fondacion de l'Institut d’Estudis Occitans que n'es un actor major dusca a 1980. En 1962, es a l'iniciativa del Comitat Occitan d'Estudis e d'Accion (amb una jonccion de l'accion culturala e sociala simbolisada per sa preséncia a costat dels "carbonièrs de la Sala" que prefigura aquela amb los de Ladrecht). En 1971, contribuís a la creacion de Lucha Occitana. En 1974, presenta sa candidatura, recusada pel Conselh Constitucional, a l'eleccion presidenciala; la mobilizacion fa nàisser lo movement "Volem viure al país" que se perlonga en particular pel "Partit Occitan" que n'es membre a la fin de sa vida, puslèu electron liure pauc escotat... Robert Lafont jòga un ròtle clau dins l'excepcional movement social de la debuta de 1976 en Lengadòc Rosselhon amb una conjonccion de forças popularas amassant Comitat Regional d'Accion Viticòla, CGT, CFDT, FEN e CID-UNATI, perlongat en 1978 per l'entamenon d'estats generals del pòble per Viure, Trabalhar e Decidir al País... Amb Emmanuel Maffre Baugé e Jean-Pierre Chabrol, pren lo cap del manifèst "mon país escorjat" que capita, gràcias al relai del PCF e de la CGT, un autre temps brèu mas fòrt de mobilisacion sociala e politica. Lo tornam trapar un pauc mai tard a trabalhar amb los Obradors Occitans, puèi a l'iniciativa du Club Mutacions puèi encara del Fòrum de l'Innovacion Sociala e Politica. Cal mencionar la realizacion de l'Eurocongrès Occitanò Catalan de 2000 (" inventem ensems l'intrada dins un nòu millenari"); n'es l'animator obstinat costat occitan, confrontat a una manca de mejans e de mobilizacion alavetz que los catalans implicats ne fan un projècte mai materialista. La necessitat d'una melhora articulacion de la soscadissa e de l'accion a l'esgard de la crisi mondiala, que ja analisava, li fa redigir lo manifèst Gardarem la Tèrra proclamat a l'acamp gigant del Larzac (agost de 2003). De son "país" vertadièr, es a dire, pas sonque al sens geografic, lo mai pròche, aquel que cadun-a se causís, e ont cal bastir los cambiaments necessaris, sufís pas de s'articular amb Occitània e Catalonha, o quitament Euròpa: los enjòcs son a la dimension de la Tèrra tota e cal visar, contra los egoïsmes dels Estats Nacions, una governança democratica federala mondiala.

 

Pels dissabte 26 e dimenge 27 de setembre de 2009 a Nimes, a l'iniciativa de son comitat dau país nimesenc, es lo movement Gardarem la Tèrra qu'organiza, preparat del temps qu’èra encara en vida, un collòqui titolat "Robèrt Lafont, la nauta consciéncia d'una istòria". Se legís sus la presentacion "Robèrt Lafont, escrivan, lingüiste o istorian, nos balha una infinitat de claus, dins una intelligéncia del mond e de se que dobrís d'orizonts nòus a l'accion collectiva". Es per aquò que mai d'un trentenat de personas sollicitadas per lors coneissenças sus e/o lor experiéncia dins son òbra sociò-politica, qu'an d'originas e d'agaches divèrses, avián acceptat de portar benevòlament lor contribucion al collòqui (dintrada libra e gratuita, mas sostens financièrs planvenguts) sens saber que seriá una oportunitat bèla de gardar viva la memòria d'aquel creator de patrimòni immaterial viu, que nos daissa en occitan e en francés l'imperatiu qu'acaba lo manifèst proclamat sul Larzac fa sièis ans:

"Vive le Peuple de la Terre ! Visca lo Pòble de la Tèrra !"

Joan-Loís Escafit,

per telecargar lo programa del collòqui, clicar aicí

per telecargar la bibliografia de Robèrt Lafont publicada pel Cirdoc, clicar aicí

per telecargar la dicha fisada per Robèrt Lafont a Gardarem la Tèrra per la manifestacion del 17 de mars de 2007 a Besièrs, clicar aicí

 

per escriure a Gardarem la Tèrra

gardaremlaterra@yahoo.fr

per consultar lo site de Gardarem la Tèrra

http://gardaremlaterra.free.fr

per telecargar lo manifèst de Gardarem la Tèrra (9 d'agost de 2003), clicar aicí

 

 

 

 

traduction en français:

 

Robert Lafont:

une grande figure, occitane et européenne, du XXème siècle

 

Né à Nîmes le 16 mars 1923, Robert Lafont est mort à Florence (Toscane) lo 24 juin 2009.

 

À Ventabren, le dimanche 23 septembre 2007, il avait été tardivement récompensé par le "Grand prix littéraire de Provence". Sa santé ne lui avait pas permis de venir, mais il avait envoyé, selon la tradition de ce prix, un "éloge de la Provence" où il contait dans son parler provençal un peu de sa jeunesse:

"Enfant, j'habite sur une colline (à Nîmes, nous en avons sept comme Rome). Quand j'ouvre la porte j’ai la vision, côté soleil couchant, sur ma voisine, de la vieille Tour dite Magne, dont la blancheur des pierres romanes est colorée de rose et d'or pâle par le soleil levant. De l'autre côté, le Ventoux tire sur le blanc à sa cîme et les Alpilles dessinent leurs crêtes en cendres de contre-jour."

 

Ces lignes me semblent une petite illustration des qualités d'écrivain de Robert Lafont, dans "la langue de son grand-père, néanmoins toute mistralienne, qui soudain surgit à la plume du poète qu'[il s'apprêtait] à devenir".

Mais la vie de ce grand précurseur ne se résume pas à sa belle dimension littéraire (plus de 40 titres publiés, en français ou en òc): poésie, comme Dire, qui est qualifié de "pierre blanche de la poésie occitane contemporaine"3 - roman (avec en particulier La Fête que l'on peut considérer comme une oeuvre européenne majeure) - théâtre (par exemple La révolte des "cascavèus" (grelots) (1977) ou La croisade (1982), créées dans une mise en scène d'André Neyton ).

 

La dimension professionnelle de sa vie, enseignant et chercheur jusqu'au bout, lui fait mener des travaux reconnus internationalement de recherche et de critique en (socio-)linguistique (16 titres publiés) et en littérature (20 titres). A la jonction du littéraire, du professionel e de l'engagement, il faudrait parler de l'animateur et du rédacteur de revues, comme Viure, Amiras ou La Revista Occitana, sur ce rôle et ces publications périodiques, il faut poursuivre un travail de recherche qui a déjà abordé la dimension pédagogique, laquelle englobe son talent d'enseignant et de formateur dans les cours et les stages4, dont on a une multitude de témoignages.

 

C'est surtout une vie pleine d'engagements, qui s'expriment aussi par des essais historiques et politiques (22 titres publiés en français, comme la Révolution Régionaliste en 1967 et Nous , Peuple européen en 1991). Pour l'action, nous le trouvons dans la Résistance en 1944: il participe à la libération de Nîmes. En 1945, il contribue à la fondation de l'Institut d’Etudes Occitanes dont il est un acteur majeur jusqu'en 1980. En 1962, il est à l'initiative du Comité Occitan d'Etudes et d'Action (avec una jonction de l'action culturelle et sociale symbolisée par la présence auprès de "los carbonièrs de la Sala" (mineurs de Decazeville) qui préfigure celle auprès de ceux de Ladrecht). En 1971, il contribue à la création de Lutte Occitane. En 1974, il présente sa candidature, récusée par le Conseil Constitutionnel, à l'élection présidentielle, la mobilisation fait naître le mouvement "Volem viure al país" qui se prolonge en particulier par le "Parti Occitan" dont il est membre à la fin de sa vie, plutôt électron libre peu écouté... Robert Lafont joue un rôle clé dans l'exceptionnel mouvement social du début 1976 en Languedoc-Roussillon avec une conjonction de forces populaires rassemblant Comité Régional d'Action Viticole, CGT, CFDT, FEN et CID-UNATI, prolongé en 1978 par l'amorce d'états généraux du peuple pour Vivre, Travailler et Décider au Pays... Avec Emmanuel Maffre Baugé et Jean-Pierre Chabrol, il prend la tête du manifeste "mon país escorjat" (écorché) qui réussit, grâce au relais du PCF et de la CGT, un autre moment bref mais fort de mobilisation sociale et politique. Nous le retrouvons un peu plus tard à travailler avec les Obradors (Ateliers) Occitans, puis à l'initiative du Club Mutations puis encore du Forum de l'Innovation Sociale et Politique. Il faut citer la réalisation de l'Eurocongrès Occitano-Catalan de 2000 ("inventons ensemble l'entrée dans un nouveau millénaire"); il en est l'animateur obstiné côté occitan, confronté à un manque de moyens et de mobilisation alors que les catalans impliqués en font un projet plus matérialiste. La necessité d'une meilleure articulation de la réflexion et de l'action au regard de la crise mondiale que déjà il analyse lui fait rédiger le manifeste Gardarem la Tèrra (nous garderons la Terre) proclamé au rassemblement géant du Larzac (août 2003). De son "pays" authentique, c'est-à-dire, pas seulement au sens géographique, le plus proche, celui que chacun-e se choisit, et où il faut bâtir les changements nécessaires, il ne suffit pas de s'articuler à l'Occitanie et à la Catalogne, ou même à l'Europe: les enjeux sont à la dimension de la Terre entière et il faut viser, contre les égoïsmes des Etats-Nations, une gouvernance démocratique mondiale.

 

Pour les samedi 26 e dimanche 27 septembre 2009 à Nîmes, à l'initiative de son comitat dau país nimesenc , c'est le mouvement Gardarem la Tèrra qui organise, préparé du temps où il était encore en vie, un colloque intitulé Robert Lafont, la haut conscience d'une histoire. On lit sur la présentation "Robert Lafont, écrivain, linguiste ou historien, nous donne une infinité de clés, dans une intelligence du monde et de soi-même qui ouvre des horizons neufs à l'action collective". C'est pour cela que plus d'une trentaine de personnes sollicitées pour leurs connaissances sur et/ou leur expérience dans son oeuvre socio-politique, qui ont des origines et des regards divers, avaient accepté de porter bénévolement leur contribution au colloque (entrée libre et gratuite mais soutiens financiers bienvenus ) sans savoir que ce serait une occasion importante de garder vivante la mémoire de ce créateur de patrimoine immatériel vivant, qui nous laisse en occitan et en français l'impératif qui clôt le manifeste proclamé sur le Larzac il y a six ans:

"Vive le Peuple de la Terre ! Visca lo Pòble de la Tèrra !"

Joan-Loís Escafit,

pour télécharger le programme du colloque, cliquer ici

pour télécharger de Robert Lafont éditée par le Cirdòc, cliquer ici

 

pour écrire à Gardarem la Tèrra

gardaremlaterra@yahoo.fr

 

pour consulter le site de Gardarem la Tèrra

http://gardaremlaterra.free.fr

 

pour télécharger le manifeste de Gardarem la Tèrra (9 août 2003), cliquer ici

1 dins la presentacion del CD de la version cantada per Jan-Màri Carlòtti sul site http://janmari_carlotti.mondomix.com/

2 coma l'Universitat Occitana d'Estiu que la MARPOC que crea a Nimes amb l'Aimat Serre, lo Jòrdi Gròs e d'autres, n'assegura lo manten dempuèi 1981

3 dans la présentacion du CD de la version chantée par Jan-Màri Carlòtti sur le site http://janmari_carlotti.mondomix.com/

4 comme l'Université Occitane d'Eté dont la MARPOC, qu'il créée à Nîmes avec Aimé Serre, Georges Gros et d'autres assure le maintien depuis 1981

Fichier attachéTaille
GardaremDep déf.pdf220.84 Ko
biblio_Lafont_Robert cirdoc.pdf283.23 Ko
Manifèst Gardarem la Tèrra, Larzac 9 d'agost de 2003.pdf38.88 Ko
dicha Robèrt Besièrs 17 de març de 2007.pdf18.35 Ko