Cours, Culture Occitane, Bain linguistique,Conversations interdialectales

Escòla occitana d'estiu
Corses, Cultura Occitana, Banh Lingüistic,Conversas interdialectalas

Davant l'estanquet

Cada abansdinnar d'unes s'amolonan davant l'estanquet per cantar. Los estagiaris assiduoses al talhièr de cant mancon pas jamai de respondre : «present». De notar lo gòt reciclable a la man, se cal plan virar la set per la cantera ! (Lo Manu Isopet al tira-buta).

La liberta

Paraulas : J. CLOZEL Musica : Manu THERON

Tu que siàs arederosa e nusa

Tu qu'as sus leis ancas tei ponhs

Tu qu'as una votz de cleron

Uei sòna sòna a plens parmons.

Ò bòna musa.

Siás la musa dei paurei gus

Ta cara es negra de fumada

Teis uelhs senton la fusilhada

Siás una flor de barricada

Siás la Venús.

Dei mòrts de fam siás la mestressa.

D'aquelei qu'an ges de camiá

Lei sensa pas, lei sensa liech

Lei gus que van sensa soliers

An tei careças.

Còla de l'EOE davant l'estanquet

Mai leis autrei ti fan rotar,

Lei gròs cacans 'mbé sei familhas

Leis enemics de la paurilha

Car ton nom tu, ò santa filha

Es Libertat.

Ò Libertat coma siàs bela

Teis uelhs brilhan coma d'ulhauç

E croses, liurs de tot mau,

Tei braç fòrts coma de destraus

Sus tei mamèlas.

Mai puei, perfés diés de mòts raucs,

Tu pus doça que leis estelas

E nos treboles ò ma bela

Quand baisam clinant lei parpèlas

Tei pès descauç.

Tu que siàs poderosa e ruda

Tu que luses dins lei raions

Tu qu'as una vòtz de cleron

Uei sòna a plens parmons

L'ora es venguda.